João Cancelo e humbi rolin e tij si titullar në ndeshjet e fundit të Manchester City-t dhe informacionet e fundit sugjerojnë se portugezi është i hapur për nisjen e bisedimeve për transferimin te Barcelona në fund të sezonit.
Sipas shtypit spanjoll, por edhe atij italian, një nga objektivat prioritarë të Barcelonës për sezonin e ardhshëm është pikërisht afrimi i një mbrojtësi të djathtë. Janë shumë emra në tavolinë dhe njëri prej tyre është Cancelo, i cili gjithashtu do të jetë i gatshëm të largohet nga Man. City pas katër sezonesh në Premier League.
Lexo edhe:
- “Final Four”/ Goglat “flasin” në Nyon. Holanda, Italia, Kroacia dhe Spanja mësojnë përballjet
- Zlatani “mpreh gjuhën”, sulmon ashpër argjentinasit, por “kursen” Messin
- Olsi Rama rrëfen fenomenin “Skuka”: Si e fitoi Partizani bastin e humbur nga Dinamo
- Ish-lojtari i Barcelonës zyrtarizohet në Arabi, më 3 shkurt përballë Ronaldos
- Redon Xhixha: Uroj që një ditë të më duan sa Agollin
Klubi katalan ka marrë kontakte me menaxherin e futbollistit, Jorge Mendes, për të mësuar rreth disponueshmërisë së lojtarit dhe mbi kërkesat e Manchester City-t, që thuhet se kërkon 70 milionë euro për kartonin e mbrojtësit.
Cancelo ishte shumë afër nënshkrimit me Barcelonën kur luante për Valencian, por ai përfundoi te Juventusi.
