Shumë klube të mëdha ia kanë vënë syrin Jan Vertonghen, mbrojtësit belg i cili paraqitet si një operacion i shkëlqyer me parametër zero në fund të sezonit aktual. 31-vjeçari ka kontratë deri në 2019 me Tottenham por një reagim i tij për këtë çështje ka zbuluar se klubi anglez ka opsionin për ta zgjatur edhe me një vit kontratën e tij, pra deri në 2020. Vertonghen është pikë referimi për Pochettinon dhe nuk pritet të ketë surpriza për këtë çështje ndaj dhe mbrojtësi u shpreh i qetë se do të qëndrojë ende me Spursat.
