Në verë largimi i Mariano Diaz nga Real Madrid dukej shumë afër, por sulmuesi nuk i bëri kurrë valixhet gati edhe pse rrezikon të qëndrojë shpesh jashtë formacionit titullar të skuadrës së drejtuar nga Zidane. Agjentët e 26-vjeçarit lidhur me këtë çështje u shprehën se futbollisti po pret të shfrytëzojë momentin e tij, pasi gjatë turneut përgatitor tregoi se di të bëjë gjëra të mira në fushën e lojës. Ata theksuan se deri më tani në kampionat janë zhvilluar vetëm tre ndeshje dhe se sezoni është ende i gjatë ku ka shumë ndeshje për t’u luajtur dhe se për momentin është ende shpejt për të bërë vlerësime.