Migjen Basha nuk mund të riaftësohet në kohë për ndeshjen miqësore me Turqinë, që do të zhvillohet më 13 nëntor në Antalia. Federata Shqiptare e Futbollit, nëpërmjet një njoftimi zyrtar sqaron se pas disa seancave stërvitore të zhvilluara vecmas grupit, mesfushori i Barit ka lënë grumbullimin e Kombëtares, për ta vijuar fazën e riaftësimit me skuadrën e tij, në Serinë B. Stafi teknik është bindur përfundimisht se nuk kishte më asnjë mundësi që 30-vjecari të mund të jepte kontribut ndaj Turqisë. Për shkak të kohës së shkurtër në disipozicion, Panucci ka vendosur të mos grumbullojë një tjetër lojtar në vend të Bashës.
