Rezultatet negative të West Ham kanë vënë në dyshim të ardhmen e Slaven Bilic në krye të skuadrës. Në rast shkarkimi, 49-vjeçari mund të marrë menjëherë drejtimin e Kombëtares Amerikane. Sipas mediave angleze, e ardhmja e kroatit mund të jetë përtej Atlantikut. Bilic është në bisedime me drejtuesit e Federatës Amerikane të Futbollit, që kërkojnë të nisin një epokë të re pas zhgënjimit në eliminatoret e “Rusi 2018”, ku nuk mundën të siguronin një vend në finalet e kompeticionit nga zona e Amerikës Qendrorë dhe Veriore. Trajneri Bruce Arena dha dorëheqjen menjëherë pas humbjes turpëruese 2-1 me Trinidad Tobago-n, që e la jashtë botërit pas shumë vitesh skuadrën amerikane.