Aaron Ramsey ka ende dyshime sa i përket së ardhmes së tij tek Arsenali. 27-vjeçari kërkon siguri nga trajneri Unai Emery, përpara se të pranojë të rinovojë me “Topçinjtë”. Mesfushorit i ka mbetur edhe një vit në kontratë dhe klubi shpreson të nënshkruajë një marrëveshje të re, në mënyrë që ai të mos largohet me parametër zero verën e ardhshme. Mungesa në formacion në ndeshjen kundër Chelsea-t, ka bërë që uellsiani të ketë dyshime mbi rolin e tij në skemat e spanjollit Emery, duke mos pranuar për momentin një rinovim të kontratës.
