Napoli ka nisur zyrtarisht sezonin e ri, me një ndeshje miqësore të zhvilluar përballë Beneventos së Philippe Inzaghit, në Dimaro, aty ku skuadra e Ancelottit po zhvillon edhe fazën e parë të përgatitjeve verore.
Përfundoi me humbje ndeshja e parë për napolitanët, që u mposhtën me rezultatin 2-1 nga Benevento, ndonëse kaluan të parët në avantazh, me golin e spanjollit Callejon, i cili gjeti rrjetën në minutën e 19’ të takimit.
Benevento riktheu baraspeshën në minutën e 34-t, pasi shfrytëzoi maksimalisht një gabim të Maksimoviç dhe shtyu topin në rrjetë, nga shumë pranë vijës fatale, ndërsa goli i fitores u shënua nga slloveni Vokiç, në minutën e fundit të takimit.
Vlen të theksohet se në pjesën e dytë pat i vërtetë shumë zëvendësime, duke bërë që ritmi të binte gradualisht, gjë që e shfrytëzoi më mirë Benevento, ndërsa Philippo Inzaghi mposhti për herë të parë profesorin e tij, Ancelottin.
