Nico Elvedi po paraqitet mjaft mirë me Borussia Monchengladbach në Bundesliga. Qendërmbrojtësi ka edhe një vit kontratë dhe gjermanët nuk po arrijnë ta bindin të rinovojë kontratën, kështu që verë do tentojë ta shesin.
Futbollisti 26-vjeçar ka tërhequr vëmendjen në Itali dhe në Angli, ku Tottenham dhe Roma po e ndjekin dhe duhet të përgatitin një ofertë për Gladbach.
LEXO EDHE:
- Ish-mesfushori ndërron jetë në moshën 32-vjeçare, e shtyp treni
- Rashica bind Galatasaray-n, gati oferta për Norwich
- Zyrtare/ Struga vendos për trajnerin, prezanton “ish”-in e Partizanit
Italianët janë ata që po këmbëngulin më shumë sipas ekspertit të merkatos, Alfredo Pedulla. Klubi gjerman e vlerëson Elvedin 15 deri në 20 milionë euro. Mbrojtësi luan në Bundesliga prej verës së vitit 2015, kur la skuadrën e Zurich.
Lojtari helvet, i cili mund të luajë edhe si mbrojtës i majtë, numëron 43 ndeshje dhe një gol me kombëtaren e Zvicrës.
