Interi la sërish pikë në kampionat. Këtë herë barazim 1-1 ndaj Salernitanës në transfertë. Edhe pse kaluan të parët në avantazh me Gosens, zikaltrit u befasuan nga goli i Candrevës në minutën e fundit.
Skuadra e Simone Inzaghit krijoi shumë raste, por goli i dytë nuk erdhi. Për gabime të lojtarëve, por kryesisht për meritë të Guillermo Ochoas, i cili kreu disa pritje fantastike. 10 në total.
Lexo edhe:
- Vlerësimi për lojtarin e Kombëtares, shpallet më i miri i muajit
- VIDEO/ Gol, kualifikim dhe lojtari i ndeshjes: Krasniqi shkëlqen në Rumani
- Dominimi shqiptar në Maqedoninë e Veriut, Struga për të shkruar historinë
- “Mbappe na lodhi! Njeri pa klas, kujton se është bosi i PSG-së”
“Futbollistët e Interit më komplimentuan pas ndeshjes, edhe pse ishin të zemëruar për barazimin. Jemi shumë të kënaqur me pikën e marrë. Skuadra bëri një punë të mirë, ndërkohë që ia dolëm të shënonim një gol të bukur me Candrevën”, deklaroi portieri meksikan.
37-vjeçari po e shijon eksperiencën italiane. Ochoa ka edhe një objektiv. Ai dëshiron të luajë një tjetër Kupë Bote me Meksikën e tij. Do të ishte Botërori i gjashtë, si askush tjetër më parë.
“Salerno po më jep shumë, jam shumë i lumtur që po luaj në futbollin italian. Mbaj mend që shikoja Buffon, Toldo, Frey, Julio Cesar, Dida dhe Pagliuca në TV.
Serie A ishte kampionati në Europë, të luash këtu është një vlerë e shtuar. Do të doja të luaja edhe në Botërorin e ardhshëm, edhe pse nuk do të jetë e lehtë”, përfundoi Ochoa, i cili njihet si portieri i Botërorëve.