Mbrojtësi i Kombëtares së Spanjës, Alvaro Odriozola, duket se është i vendosur të lërë Real Sociedadin gjatë merkatos së verës, për t’u transferuar te gjigantët e Real Madridit. Sipas mediave spanjolle, bisedimet mes dy klubeve kanë nisur prej kohësh dhe duket se janë në fazën përmbyllëse. Sipas të njëjtave burime, 22-vjeçari pritet të kalojë në “Santiago Bernabeu” për një shifër prej 40 milionë eurosh, ndërsa ende nuk dihen detajet se si do të kryhet pagesa. Odriozola pëlqehet shumë nga trajneri i Realit, Julen Lopetegui, i cili e grumbulloi atë edhe në Botërorin e Rusisë, kur drejtonte Spanjën.
