“Më duhet të kuptoj nëse mund të marr hapa ligjorë ndaj gjyqtarit të katërt”. Kështu deklaroi José Mourinho pas humbjes së Romës ndaj Cremoneses (1-2), të martën. Shtypi italian ka zbuluar sot fyerjet e Marco Serras ndaj trajnerit portugez.
Gjithçka nisi pas dueli mes Kumbullës dhe Tsadjout. Mourinho po i kërkonte llogari arbitrit të katërt.
“Në b*thën tuaj…”, u përgjigj Marco Serra, një ofendim që e tërboi trajnerin e Romës.
Gjyqtari i katërt, më pas, i dha një indikacion gjyqtarit kryesor, Marco Piccinini, për sjelljen e Mourinhos, duke sugjeruar përjashtimin e trajnerit, gjë që ndodhi.
Lexo edhe:
- VIDEO/ Tetë gola dhe dy asist në 4 ndeshje, CR7 lojtari më i miri i muajit shkurt në Arabinë Saudite
- Rashica bind Galatasaray-n, gati oferta për Norwich
- 262 baste në ndeshje, golashënuesi i Brentford rrezikon pezullim disa mujor nga futbolli
- Tërmeti tragjik/ Modric i dhuron Turqisë fanellën e Botërorit për ta nxjerrë në ankand
Sipas “La Gazzetta dello Sport”, tashmë pas sanksionit disiplinor, Serra mësohet t’i jetë drejtuar Mourinhos duke i thënë:
“Të gjithë shkoni në shtëpinë tuaj… Shkoni në shtëpi”.
“Jam emocional, por nuk jam i çmendur. Marco Serra (arbitri i katërt) pati një sjellje të papranueshme me mua. Unë e respektoj atë aq sa ai më respekton mua.
Piccinini (kryesori) më përjashtoi sepse ai ishte nën presion nga gjyqtari i katërt për ta bërë këtë. Ai (arbitri i katërt) nuk kishte ndershmërinë për të thënë atë që më tha, pra atë që e motivoi reagimin tim”, – tha Mourinho pas ndeshjes.
