Vjen oferta marramendëse për Gareth Bale, që mund ta bëjë të dorëzohet për të pranuar largimin nga Reali i Madridit. Sipas medieve angleze, Pekin Guoan, është gati ta bëjë uellsianin lojtarin më të paguar në historinë e futbollit kinez.
Trajneri i Madridit, Zinedine Zidane, i shtoi përpjekjet e tij për të detyruar Bale të largohet, teksa u shpreh se sa më shpejt që 30-vjeçari të gjejë një destinacion të ri, aq më mirë është.
Pekin Guan mësohet se i ofron një pagë prej 500 000 paundësh në javë. Lojtari më i paguar në elitën e futbollit kinez aktualisht është Ezequiel Lavezzi, mendohet se përfiton po 500. 000 në javë në Hebei China Fortune.
Guan po investon shuma të mëdha për të rritur nivelin e skuadrës dhe kjo u pa qartë që në janar, kur shpenzoi 35 milionë paundë për të nënshkruar me Cedric Bakambu të Villarrealit.