Nicolo Zaniolo ka përfunduar në merkato. 23-vjeçari dëshiron kalimin te Milani, lojtari ofensiv ka arritur akordin me kampionët e Italisë, por mungon marrëveshja mes dy klubeve.
Kuqezinjtë kërkojnë huazimin e Zaniolos me të drejtë blerje në fund të sezonit për 18 milionë euro, por kjo ofertë nuk e kënaq Romën, që ka marrë një propozim tundues nga Premier League.
Bournemouth po tenton të firmosë me lojtarin e përfaqësueses italiane dhe ka gati 30 milionë euro për klubin kryeqytetas, duke i lënë Romës edhe 10% të kartonit.
Verdhekuqtë janë gati ta pranojnë milionat e Bournemouth dhe po shtyjnë Zaniolon të vijojë karrierën në ishull, ndërkohë që tani pritet reagimi i Milanit, që e ka të pamundur të barazojë ofertën e klubit anglez.