Mbyllet sezoni për Simon Kjaer. Mbrojtësi danez u dëmtua në transfertën ndaj Genoas dhe la fushën e lojës me ndihmën e barelës që në minutën e tretë, ndërsa gjatë ditës së sotme iu nënshtrua një operacioni.
Në komunikatën për mediat, klubi kuqezi njofton se operacioni për danezin shkoi shumë mirë dhe se koha e rikuperimit llogaritet të jetë rreth 6 muaj, çka do të thotë se sezoni për Kjaer mund të konsiderohet i përfunduar.
Danezi ishte shndërruar në një shtyllë të mbrojtjes kuqezi dhe mungesa e tij pritet të peshojë jo pak, ndaj dyshja Maldini-Massara do të duhet të futen në merkato në janar, për të sjellë një tjetër futbollist në prapavijë.