Connect with us

Hi, what are you looking for?

Kategoria Superiore

Ora 18:00, Teuta-Flamurtari, kuqezinjtë për pikë në “Elbasan Arena”

Rikthehet Kategoria Superiore me ndeshjen Teuta-Flamurtari, që çel këtë të premte, në orën 18:00, javën e tetë. Për shkak të ndërhyrjeve në stadiumin “Niko Dovana” të Durrësit, ky takim do të zhvillohet në “Elbasan Arena”. Një avantazh jo i vogël për ekipin vlonjat, që nuk do ta ndiejë presionin e fushës kundërshtare në një moment mjaft të vështirë, teksa i duhen pikët për të dalë nga kriza e rezultateve të fillimsezonit.

Sigurisht që Teuta, e drejtuar nga Bledi Shkëmbi, është më e favorizuar për faktin e thjeshtë që ka më shumë cilësi në organikë, por kuqezinjtë shkojnë në Elbasan me moral të lartë pas atij barazimi 2-2 me Tiranën në Vlorë. Pauza e shkurtër e kampionatit i ka dhënë mundësi trajnerit Dritan Sadedini, të korrigjojë diçka në skuadrën e tij, sidomos në aspektin fizik dhe taktik, duke ditur që Flamurtari është formuar dhe i ka nisur përgatitjet vetëm një javë para fillimit të kampionatit.

Kjo është arsyeja që vlonjatët mbyllin tabelën e klasifikimit me vetëm 2 pikë të grumbulluara në 7 ndeshje dhe me një golaverazh negativ 6/17.

Sa u përket formacioneve që do të zbresin në fushë, Bledi Shkëmbi do të duhet të bëjë pa shërbimet e Vecajt, i cili është stërvitur individualisht në ditët e fundit, ndërsa rikthehet Teodorvskit. Nga minuta e parë pritet ta nisë edhe Sherif Kallaku, kapiteni i Shpresave, i cili ishte titullar në ndeshjen e fundit kundër Kosovës U-21.

Në kampin kuqezi mungesa e vetme është Bajram Nebihi.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...