Një përplasje Championsi, një rast i artë për Lazion, që nëse fiton, shkon -3 pikë nga dyshja kryesuese Juve-Inter. Në orën 20:45, në “Sardegna Arena”, Cagliari pret kryeqytetasit në sfidën përmbyllëse të javës së 16-të të Serisë A.
Simone Inzaghi do të tentojë me çdo kusht suksesin në Ishull, duke hedhur në fushë formacionin me të mirë, me titullarët që qëndruan pushim në sfidën e fundit të Europa League-s, përballë Rennes (2-0).
Cagliari, nga ana tjetër, kërkon rezultatin pozitiv në shtëpi për t’i rimarrë vendin e katërt Romës, që të dielën në mbrëmje mposhti 3-1 SPAL-in në “Olimpico”. Maran do të vijojë t’i besojë rreshtimit 4-3-2-1, me dyshen Nainggolan-Joao Pedro pas shpinës së Simeones. Mbeten të padisponueshëm Castro, Pavoletti, Cragno e Ceppitelli. Klavan dhe Pisacane sërish krah njëri-tjetrit në qendrën e mbrojtjes, ndërsa të skualifikuar janë Olsen e Rog.
I rikthehen Lazios të gjithë lojtarët e rëndësishëm; në sulm Immobile me Correan, ndërsa në krahë Lazzari dhe Lulic. Në mbrojtje do të luajë sërish Luiz Felipe me Acerbin dhe Radu. Është i njëjti formacion që mposhti Juventusin.
CAGLIARI (4-3-2-1): Rafael; Faragò, Klavan, Pisacane, Lu. Pellegrini; Nandez, Cigarini, Ionita; Nainggolan, Joao Pedro; Simeone. Në dispozicion: Aresti, Pinna, Mattiello, Cacciatore, Oliva, Lykogiannis, Ragatzu, Deiola, Walukiewicz, Cerri. Trajner. Maran.
LAZIO (3-5-2): Strakosha; Luiz Felipe, Acerbi, Radu; Lazzari, Milinkovic, Leiva, Luis Alberto, Lulic; Correa, Immobile. Në dispozicion: Proto, Guerrieri, Bastos, Patric, Parolo, Marusic, Cataldi, Berisha, Jony, Anderson, Adekanye, Caicedo. Trajner: Inzaghi.
