Nations League

Kosova do fitoren me Maltën, publikohen formacionet zyrtare

Në orën 20:45, në stadiumin “Fadil Vokrri” në Prishtinë, Kosova do të presë Maltën në sfidën e tretë të në Gripin 3 të Ligës D në Nations League. Një tjetër shans i artë për “Dardanët” për të ndjekur ëndrrën e kualifikimit direkt në Europian si skuadra më e mirë e Ligës D. Sigurisht që rrugëtimi është ende i gjatë, por, me një fitore ndaj maltezëve në Prishtinë, Kosova mund ta thellojë edhe më tepër diferencën me ekipet ndjekëse, çka do t’i jepte mundësi t’i menaxhonte më me qetësi sfidat e fundit në grup.

Në dy takimet e para formacioni i Bernard Challandes ka barazuar 0-0 në transfertë me Azerbajxhanin si dhe ka fituar 2-0 me Ishujt Faroe. Këtë radhë përballë është një tjetër përfaqësuese e vogël europiane, Malta, por gjithsesi aspak për t’u nënvlerësuar.

“Dardanët” duhet të përfitojnë edhe nga fakti që Azerbajxhani, që konsiderohet rivali më i fortë në grup, luan në transfertë me Ishujt Faroe. Barazimi në këtë takim do të ishte rezultati më i volitshëm për Kosovën, që me një fitore të mundshme ndaj maltezëve do të shkëputej edhe më shumë në krye.

Stadiumi “Fadil Vokrri” do të jetë i mbushur me kapacitet të plotë, madje ky impiant konsiderohet i vogël krahasuar me kërkesat e tifozëve për bileta. Madje ka patur pakënaqësi nga vetë futbollistët e Kosovës, pasi nuk kanë mundur të sigurojnë bileta për familjarët e tyre. Kosovë-Maltë do të transmetohet drejtpërdrejt në Supersport 2, madje emocionet e kësaj sfide do të përcillen që në orën 19:45 me emisionin “Dardanët”.

Formacionet zyrtare:

Kosova: Ujkani, Aliti, Shala, Kryeziu, Zeneli, Rrahmani, Berisha, Vojvoda, Kololli, Muriqi, Zhegrova. Trajner: Bernard Shaland

Malta: Hog, Mbong, Borg, Agius, Feneç, Mifsud, Shembri, Muskat, Faila, Korbolan, Apap. Trajner: Rajmond Farrugia.

To Top