Duhej të ishte shkarkuar që më 5 tetor pas humbjes me Milanin, por presidenti i Genoas, Preziosi vendosi t’i japë edhe një shans trajnerit Aurelio Andreazzoli, të cilin ky i fundit nuk e shfrytëzoi aspak mirë, pasi kuqeblutë u “rrahën” keqazi 5-1 në transfertën ndaj Parmës.
Mediat italiane raportojnë se Preziosi e ka ndarë mendjen për shkarkimit e trajnerit 65-vjeçar dhe gjithçka tani është çështje orësh, ndërsa duket se numri një i klubit gjenovez ka gjetur edhe pasuesin e Andreazzolit.
Bëhet fjalë për ish mesfushorin italo-brazilian Thiago Motta, i cili në Itali ka luajtur pikërisht me Genoan para se të transferohej te Interi ku fitoi gjithçka, ndërsa si trajner ka drejtuar vetëm të rinjtë e PSG-së sezonin e kaluar.
Presidenti i Genoas dhe ish mesfushori janë takuar rreth 10 ditë më parë, pasi Motta ndodhet në Itali për të marrë licencën si trajner në Coverciano, dhe duket se zyrtarizimi i tij në stolin e kuqebluve është vetëm çështje orësh.
Me Mottën në stol pritet të ndryshojë edhe rreshtimi i Genoas, pasi Andreazzoli ka luajtur me 3-5-2 gjatë kësaj kohe, ndërsa italo-braziliani preferon rreshtimin 4-3-3, ndërsa në formacion pritet të gjejë një vend edhe maqedonasi Goran Pandev.
Si pritet të rreshtohet Genoa me Mottën trajner: