Familja e mbrojtësit belg të Tottenhamit, Jan Vertonghen ka kaluar orë tmerri mbrëmjen e 10 marsit, ndërkohë që vetë futbollisti ndodhej në Gjermani i angazhuar në ndeshjen e kthimit të Champions League, përballë Leipzig.
Kjo pasi 4 njerëz të armatosur u futën në rezidencën e futbollistit në Londër për të grabitur dhe mbajtën peng përreth 4 orë gruan dhe fëmijët e Vertonghen, që ndodheshin aty gjatë natës.
Lajmi u pranua edhe nga vetë klubi i Tottenhamit, nëpërmjet një deklarate, ku shprehu mbështetje për mbrojtësin, ndërsa autoritetet policore njoftuan se askush nuk ka dalë i dëmtuar, përveçse janë grabitur disa bizhuteri.