Sergej Milinkovic-Savic mbetet emri “big” që po ndez merkaton e Serisë A. Gjatë të enjtes, Milani dhe Juventusi u kryqëzuan në tentativën për të siguruar shërbimet e mesfushorit serb, që vlerësohet 120 milionë euro nga presidenti i Lazios, Claudio Lotito. Milani ka ka ofruar 30 milionë euro, plus Bonaventurën dhe Borinin, ndërsa 50 milionë të tjera do t’i paguante përgjatë dy sezoneve të ardhshme.
Kjo ofertë nuk e ka kënaqur Lotiton, që 120 milionë ka përfshirë lojtarë të tjerë (40 milionë në dorë dhe 80 me këste do të ishte ideale).
Në të njëjtën kohë ka patur kontakte edhe mes Juventusit dhe Lazios për të njëjtin objektiv. Fabio Paratici thuhet se ka biseduar me homologut të tij të Lazios, Igli Tare. Bardhezinjtë po e mbajnë nën kontroll situatën, falë edhe menaxherit Jorge Mendez, që është menaxher i Milinkovic-Savic por edhe mik i Lotitos. Vështirë se në orët e ardhshme do të arrihet një marrëveshje përfundimtare për xhevahirin serb, për të cilin do të flitet gjatë në sesionet e ardhshme të merkatos nëse nuk do të largohet nga Lazio.