Do të jetë Daniele Orsato gjyqtari që do të vendosë drejtësi në supersfidën e javës së 28-të të Serisë A atë mes Interit dhe Napolit që do të zhvillohet mbrëmjen e kësaj të diele në San Siro. Ky duel shumë i rëndësishëm për fatet e të dyja skuadrave në këtë sezon do të gjykohet nga një prej xhaketave të zeza më të mira të Serisë A. Di Fiore dhe Maganelli do të jenë gjyqtarë anësorë ndërsa Luca Banti arbitër i 4-t dhe Davide Massa gjyqtari që të ndihmojë Orsaton nëpërmjet sistemit VAR. Juventus-Udinese ndërkohë do të gjykohet nga Giacomelli ndërsa Roma-Torino, sfida që do të hapë javën e 28-të dhe që do të luhet të premten do të arbitrohet nga Maresca.
