Pas triumfit në US Open verën e kaluar, Naomi Osaka e nis në mënyrën më të mirë edhe vitin 2019. Tenistja japoneze mposhti 2-1 me sete në një sfidë shumë të luftuar çeken Petra Kvitova duke fituar për herë të parë në karrierë edhe grand slamin e parë të vitit Australian Open. Sukses ky që do ta ngjisë Osakën në vendin e parë të renditjes botërore WTA këtë të hënë me Naomin që do të vendosë një rekord historik pasi do të bëhet tenistja e parë aziatike që ngjitet në krye të klasifikimit botëror.Për tu kthyer te ndeshja, seti i parë ishte shumë i luftuar dhe u vendos vetëm në fund të anojë në anën e 21-vjeçares japoneze me rezultatin 7-6, ndërsa në të dytin është tenistja çeke që merr kontrollin dhe arrin të fitojë në shifrat 7-5. Gjithsesi në të tretin është sërish Osaka që do triumfojë në shifrat 6-4 dhe bëhet numri 1 në botë.Në gjysmëfinale, Kvitova eliminoi lehtësisht amerikanen Danielle Collins, ndërsa Osaka mundi Karolina Pliskovan, kjo e fundit në çerekfinale eliminoi Serena Willimas-in.
Kujtojmë që nesër në 9:30 do të zhvillohet finalja për meshkuj mes Novak Djokovic dhe Rafael Nadal një sfidë që premton spektakël dhe drithërima.