Ish-mesfushori i famshëm i Chelseat, Oscar ka vendosur të mbyllë aventurën në Kinë ku aktivizohej me skuadrën e Shanghai Port FC. Braziliani ishte zhvendosur në Kontinentin Aziatik në vitin 2017 teksa në atë kohë injoroi oferta nga klubet më në zë të Europës duke zgjedhur paratë.
Dhe, në fakt, në këto pesë vite që ka jetuar dhe luajtur në Kinë, Oscar ka arkëtuar më shumë se 100 milionë paund duke përmbushur qëllimin e transferimit. Edhe pse duhet theksuar se Oscar ka ruajtur një nivel të kënaqshëm në Kinë me fanellën e Shanghai teksa në 116 ndeshje, ia ka dalë të shënojë 35 gola dhe të regjistrojë plot 74 asiste.
Ndërkohë, pas mbylljes së aventurës në Kinë, Oscar pritet të rikthehet në Brazil dhe sipas Fabrizio Romano, Flamengo është në Pole Position për të firmosur me 30-vjeçarin.