Trajneri i Kukësit, Peter Pakult, u shpreh i zhgënjyer me paraqitjen e ekipit të tij ndaj Teutës, dhe tha se djemtë e tij nuk duhet ta kenë mendjen tek rezultatet e të tjerëve.
Jeni i zhgënjyer me rezultatin, apo me paraqitjen e skuadrës?
Mendoj se paraqitja e skuadrës, pasi në pjesën e parë bëmë një paraqitje jo të mirë në pjesën e parë. Kaluam në epërsi, por nuk treguam një lojë të mirë dhe u përmbysëm.
Rezultatet e rivalëve mund të kenë ndikuar te paraqitja e sotme e Kukësit…
Mund të jetë edhe kjo gjë, por mendoj se nuk duhet të funksionojë kështu. Kishim një ecuri me rezultate pozitive deri tani, dhe nuk na lejohet të bëjmë aq shumë gabime sa bëmë në pjesën e parë.
Do vazhdoni me formacionin bazë 3 ndeshjet e fundit, apo do i jepni hapësirë lojtarëve më pak të përdorur?
Padyshim, të dielën kemi një duel direkte me Luftëtarin. Nuk është se futemi në panik, kemi dhe 3 ndeshje dhe jemi 9 pikë para. Do jemi më të plotë në atë takim. Guri ka bërë një sezon fantastik dhe mund të them se jemi me fat që kemi pasur dikë që ka shënuar aq shumë gola.
