Peter Pacult dha opinionin e tij të parë pas disa seancave stërvitore në krye të Kukësit në Antalia të Turqisë. Trajneri autriak u shpreh i kënaqur me impenjimin e futbollistëve, për të qenë gati për startin e pjesës së dytë të sezonit.
Jam shumë i kënaqur me ekipin dhe me punën që po bëjmë. Shpresoj që të qëndrojmë në këto ritme në mënyrë që të përgatitemi sa më mirë. Nuk dua të bëj diferencime mes futbollit në Gjermani apo në Austri. Unë shoh vetëm punën e ekipit tim dhe kundërshtarët. Dua të përgatis sa më mirë ekipin për një start të mirë të kampionatit.
Sa i përket merkatos, Pacult e thotë hapur se ekipi ka nevojë për përforcime, ndërsa për miqësoret që do të zhvillohen në tokën turke theksoi se nuk ka shumë rëndësi rezultati.
Kemi nevojë për disa përforcime dhe po punojmë intensivisht që në ditët në vazhdim të sigurojmë shërbimet e ndonjë lojtari. Të gjithë e dimë që do të përballemi me tre kundërshtarë të fortë në miqësore. Për ne nuk ka rëndësi rezultati, pasi për nëj gjë e tillë na intereson gjatë sezonit.