Mesut Ozil nuk pritet të largohet nga Arsenali këtë verë. Fantazisti gjerman është shndërruar në një pengesë për klubin për shkak të pages së lartë prej 350 mijë paund në javë duke bllokuar goditjet e mëdha në merkato. Edhe klubet që pëlqejnë lojtarin janë distancuar për shkak të pagës që arrin në 15 milionë euro në sezon e cila mund të përballohet vetëm nga 2-3 klube të Premier League. Një opsion mbetet Kina për Ozil por vetë mesfushori e ka përjashtuar këtë mundësi për momentin sepse dëshiron të luajë ende në nivele të larta në futbollin europian.