Athletico Bilbao dhe Villareal janë ndarë në barazim 1-1, në ndeshjen e parafundit të javës së 12, në La Liga. Miqtë kaluan të parët në avantazh, me anë të Trigueros në minutën e 28’, ndërsa baskët barazuan me anë të sulmuesit Aduriz, në minutën e 77’.
Fitore mori edhe Levante e Enis Bardhit, me rezultatin 0-2, në transfertën ndaj Las Palmasit. Shqiptari i Maqedonisë luajti për rreth 85 minuta në këtë sfidë, ndërsa të 2 golat e Levantës u shënuan në pjesën e dytë.
Java e 12 e La Ligës mbyllet nesër me ndeshjen Eibar-Betis, ndërsa renditja kryesohet nga Barcelona me 34 pikë, e ndjekur nga Valencia me 30.