Në Gjermani, vëmendja ishte spostuar e gjitha në “Veltins Arena”, në derbin Schalke 04-Dortmund, me takimin që dhuroi një shfaqje shumë të bukur futbolli, por u mbyll pa fitues, në barazim 2-2.
Në pjesën e parë Borussia diktoi ritmin dhe krijoi një volum të lartë loje dhe rrezikoi vazhdimisht zonën e vendasve.
“Verdhezinjtë” u shpërblyen në minutën e 38’ me anë të Schlotterbeck i cili realizoi një gol të gjithin personal, duke befasuar portierin Fahrmann.
0-1 dhe kështu u mbyll pjesa e parë, ndërsa në 45 minutat e dyta, “Blutë mbretëror” e nisën shumë mirë, duke reaguar shpejtë, pasi barazuan në minutën e 50’ me anë të Bulter.
Lexo edhe:
- Trajneri veteran spanjoll: 17 vjeç, pasues i Messit?! Barcelona e trajtoi keq Ansu Fatin
- “Shërbëtori” i CR7, 6 mijë euro në muaj, por duhet të firmosë “kontratën e vdekjes”
- Godet kampioni i botës në vitin 1998: Paris Saint-Germain, një “bandë roku”!
- Përplasja Deschamps-Benzema, sulmuesi e quan trajnerin kloun
Një gol i cili çoi në delir vendasit dhe për më tepër riktheu Schalken te goli ndaj Dortmund pas 5 ndeshjeve radhazi.
Barazimi solli një tjetër atmosferë, një tjetër simfoni dhe Dortmund rimori skenën.
Një tjetër mbrojtës gjeti recetën e golit, këtë herë ishte momenti i portugezit Guerreiro, i cili solli avantazhin te Borussia në minutën e 60’.
Schalke rigjeti forcën për të reaguar në fund, në minutën e 79’ dhe barazoi gjithçka me Karaman, i cili befasoi “verdhëzinjtë”
Pavarësisht dëshirës së skuadrave për të gjetur një fitues, në fund rezultati nuk ndryshoi.
4 gola për nga një pikë në derbin numër 100-të në Bundesliga midis Schalke dhe Dortmund, me vendasit që shkojnë në koutën e 20 pikëve, ndërsa Dortmund humbet disi terren dhe tani është dy pikë larg Bayern, në kuotën e 50 pikëve.