Derbi mes Genoas dhe Sampdorias mbylli javën e 13 të kampionatit italian, ndërsa në “Marassi” nuk pati fitues dhe të dy skuadrat ndanë pikët falë barazimit 1-1.
Fabio Quagliarela kaloi në avantazh Sampdorian që në minutën e 8’, por kuqeblutë e Juriç u kundërpërgjigjën vetëm 9 minuta më vonë, me anë të Piatek.
Goleadori polak, që po habit me formën e tij në këtë fillim-sezoni, fitoi një penallti, të cilën e shndërroi po vetë në gol dhe shkoi në kuotën e 10 realizimeve, duke lënë pas Cristiano Ronaldon.
Barazimi nuk ndryshoi aspak pozitat e dy skuadrave në tabelën e renditjes, me Sampdorian që mbetet në vendin e 12 me 16 pikë dhe Genoan një vend më poshtë, me 15 pikë.
Vlen të theksohet se të dy skuadrat vinin pas 3 humbjeve radhazi dhe me këtë barazim, duket sikur shpëtojnë pankinën e tyre të dy trajnerët, si kroati Juriç, ashtu edhe italiani Giampaolo.