Connect with us

Hi, what are you looking for?

Bundesliga

Paqe në derbin e Ruhrit, Bayerni fiton dhe merr kreun, Paderborni e bën sefte

Nuk ka fitues në derbin e Ruhrit mes Schalke 04-ës dhe Borussias së Durtmundit, pasi në “Gelsenkirchen” nuk arriti asnjë prej skuadrave të dërgojë topin në rrjetë, duke bërë që sfida të mbyllet me rezultatin e bardhë 0-0.

Takimi ishte i një niveli mjaft të lartë, me verdhezinjtë nga Dortmundi që kontrolluan më shumë topin, por Schalken që u tregua shumë e saktë me zbritjet në kundërsulm, gjithsesi në fund të dy skuadrat u detyruan të kënaqen me nga një pikë.

Rikthehet te fitorja dhe merr momentalisht kreun e renditjes Bayerni i Mynihut, që mposhti me rezultatin 2-1 Union Berlin, falë golave të Pavard dhe Lewandowski. Vlen të përmendet se për miqtë u akorduan edhe dy 11-metërsha, por vetëm njëri u shndërrua në gol.

Zhgënjen sërish Leipzigu, që nuk fiton në kampionat që prej 21 shtatorit dhe sot u mposht me rezultatin 2-1 nga skuadra e Freiburgut, ndërkohë që për këta të fundit nuk ishte as në stol mesfushori i Shqipërisë Amir Abrashi.

Ka marrë fitoren e parë sezonale ndërkohë Paderborni i Klaus Gjasulës, që triumfoi me rezultatin 2-0 ndaj Dusseldorfit, me nga një gol të shënuar për çdo pjesë dhe mbeti sërish në vendin e fundit, por tashmë me 4 pikë.

Titullar si zakonisht në këto 9 javë të para, ishte edhe mesfushori i kuqezinjve, Klaus Gjasula, që u ndëshkua me karton të verdhë në pjesën e parë dhe qëndroi në fushë deri në minutën e 78’, kur edhe fati i takimit ishte vendosur.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...