Në prag të ndeshjeve të kthimit të fazës çerekfinale të Ligës së Kampionëve, Jose Mourinho ka folur për “Russia Toady”, ku është munduar të komentojë situatën në ndeshjet përkatëse.
Portugezi ka veçuar Liverpoolin, si skuadrën e vetme që shkon e qetë në transfertën ndaj Portos, ndërsa në tre takimet e tjera, ka paralajmëruar surpriza.
“Në këtë fazë çdo skuadër ka shanset e saj për t’u kualifikuar. Përveç Liverpoolit, të tre ndeshjet e tjera nuk kanë favoritë, pasi po flasim për vetëm 90 minuta dhe gjithçka mund të ndodhë. Mund të eliminohet Juventusi, por mund të mos ia dalë as Barcelona. Sa i përket Manchester City-t, them se do kualifikohet, por kam shumë dyshime mbi këtë opsion”, tha Mourinho.