Drejtori sportiv i klubit torinez të Juventusit ka folur mbi disa prej çështjeve që përbëjnë agjendën e ditës, por meqë tema Icardi-Inter është kthyer në serialin më të përfolur të ditës, Paratici zbulon diçka më shumë nga ajo që u përfol në media si një tentative e bardhezinjve për të veshur bardhezi argjentinasin.
“Icardi? Atëherë ne jemi në shkurt dhe nuk mund të flasim për një çështje të tillë pasi Icardi është një lojtar i Interit. Gjatë verës së shkuar, nuk bëmë asnjë avancim drejt lojtarit dhe nuk patëm asnjë bisedë me zonjën e tij Wanda Nara”, por siç ndodh rëndom në sesionet e merkatos, drejtori sportiv zbulon se bardhezinjtë morën informacion mbi pozitat e sulmuesit tek Interi, duke dashur të dinin predispozitën e tij mbi një të ardhme bardhezi.
“Ndoshta verën e ardhshme mund të tentojmë një operacion të tillë, vijon drejtuesi juventin, por theksoj se nuk e kemi shqetësuar Interin duke u bërë faktor apo të kemi dalë më ndonjë ofertë direkte”.
Më pas drejtori sportiv i “zonjës së vjetër” flet mbi emrat e disa lojtarëve që mund të përbënin listën preferenciale të Juves, me emra të tillë si Zaniolo, Chiesa, Barella e Tonali.
“Sodisfaksioni është i madh kur ka të rinj italianë të talentuar si këta që përmendëm, por ende nuk ka ndonjë projekt për ndonjë operacion përkatës”, tha njeriu i merkatos te bardhezinjtë.