Menjëherë pas eliminimit të Juventusit nga Liga e kampionëve, mediat filluan aludimet për një largim të mundshëm të Cristiano Ronaldos nga bardhezinjtë, para skadimit të kontratës.
Megjithatë për të mohuar këto zëra, ka menduar Drejtori Sportiv i bardhezinjve, Fabio Paratici, i cili dha një intervistë për mediat, para takimit mes Juventusit dhe Fiorentinës në “Allianz Stadium”.
“Ronaldo është e ardhmja jonë. Është i qeshur, ashtu siç ne e duam. Sa i përket Allegrit, gjithçka e ka thënë presidenti Agnelli, ndaj nuk kam çfarë të shtoj. Për merkaton nuk mund të flas tani, pasi është ende herët”, tha Paratici para takimit.
