Anëtarët e Parlamentit Evropian i bënë thirrje UEFA-s që të ndalojë përfaqësuesen e Bjellorusisë të marrë pjesë në kualifikueset e Kampionatit Evropian 2024.
Më shumë se 100 deputetë kanë nënshkruar letrën drejtuar presidentit të UEFA-s, Alexander Ceferin.
Ata janë të pakënaqur me faktin se kombëtarja e Bjellorusisë u shpëtoi sanksioneve, pavarësisht mbështetjes që ky vend i ka dhënë Rusisë në agresionin ushtarak ndaj Ukrainës.
“Pjesëmarrja e ekipit kombëtar të Bjellorusisë në turneun e UEFA-s do të përdoret nga Alexander Lukashenko dhe propaganduesit e tij për të përmirësuar reputacionin e tij në komunitetin ndërkombëtar.
Kjo është ofenduese për banorët e Ukrainës dhe bjellorusët që u detyruan të largoheshin nga vendlindja e tyre”, thuhet në letër.
Lexo edhe:
- Rregulli i ri i zëvendësimeve, nëse lojtari nuk largohet për 10 sekonda…
- “Çmenden” arabët, ofertë stratosferike për Lionel Messin
- Një Botëror “extra large”, FIFA miraton formatin e ri të enjten
- Bayern Mynih dhe Chelsea heqin dorë nga sulmuesi francez, Inter “fërkon duart”
Kombëtarja e Bjellorusisë do të luajë në Grupin I të turneut kualifikues të Euro-2024.
Ndeshjet e para të skuadrës bjelloruse janë planifikuar të zhvillohen më 25 dhe 28 mars, përkatësisht kundër Zvicrës dhe Rumanisë. Bjellorusia i luan ndeshjet shtëpiake në Serbi.
