Dejan Kulusevski është një nga lojtarët më të rinj të talentuar në Serinë A. Suedezi, i cili luan te Parma, por i huazuar nga Atalanta, po mahnit me paraqitjet e tij, duke tërhequr vëmendjen e shumë klubeve të mëdha, jo vetëm në Itali.
Trajneri i Interit, Antonio Conte, ishte i pari që shprehu interes për ta patur 19-vjeçarin në skuadër, ndërkohë që lista e klubeve që dëshirojnë shërbimet e tij tashmë është zgjeruar. Sipas mediave angleze, lojtari me origjinë maqedonase pëlqehet shumë nga Manchester United dhe trajneri Solskjaer, që është gati t’i ofrojë Atalantës 40 milionë euro për kartonin e tij. Gjithashtu edhe Arsenali është duke monitoruar ecurinë e 19-vjeçarit dhe pritet që së shpejti të formulojë një ofertë për të.