Viktor Da Silva është kthyer në një çështje te Partizani. Braziliani nuk është përfshirë në listën e federimeve për dy ndeshjet e play-off ndaj Astanës, çka i shtyn akoma dhe më shumë palët drejt divorict të parakohshëm. Lojtari nuk do të jetë nën urdhrat e Zoran Zekiç e me shumë gjasa sulmuesi anësor do të largohet nga të kuqtë për të nisur një eksperiencë të re në një tjetër klub.
Lojtari edhe kur ishte pjesë e ekipit, nuk ka qenë ndër të preferuar e trajnerit Zekic si titullar, duke luajtur nga minuta e parë vetëm në dy përballjet e turit të parë të Champions league ndaj Bate Borisov dhe më pas në katër ndeshjet e tjera europiane përfundoi në stol.
Lexo edhe:
- VIDEO/ Gjashtë muaj pa skuadër, sulmuesi i kombëtares prezantohet në Turqi
- “Maignan është lider si Ibra”, Pioli: Po lind një Milan i bukur, krenar që jam trajneri i Giroud
- Telenovela Mbappe nuk mbaruar, Real Madrid bëhet gati për “serinë” e fundit!
- Legjenda argjentinase rikthehet në rolin e trajnerit, pranon detyrën e vështirë dhe me rrogë minimale
Nga ana tjetër, në listën e të kuqve figuron afrimi më i fundit, mbrojtësi Altin Bytyçi. 22-vjeçari, u transferua nga Kukësi me verilindorët që përfituan 30 mijë euro nga kjo lëvizje. Vlen të theksohet se Kukësi pranoi që të përfitonte më pak se taksa e formimit për mbrojtësin nga Kosova.
