Connect with us

Hi, what are you looking for?

Kategoria Superiore

Partizani gati të mbrojë kurorën e kampionit, shumë motive për të besuar

Partizani drejt finales së madhe të titullit me objektivin për të mbrojtur kurorën e kampionit, dhe motivet për të besuar në kampin e kuq nuk mungojnë. Skuadra e Orges Shehit shkon në takimin e së dielës me Egnatian pas një serie prej 6 fitoresh radhazi, pra në formë optimale.

“Demat” kanë barazuar rekordin e arritur kur në stol ishte Abilaliaj. Dhe mrekullia e shtatë do të përkthehej në titullin e 18-të në histori. Një tjetër avantazh është thellësia e grupit. Me Shehin që pas Vllaznisë deklaronte se do të donte të hidhte 20 titullarë në fushë.

Të kuqtë kanë ditur të shfrytëzojnë kualitetin e një pankine me shumë lojtarë pa diferenca me 11-shen e parë. Për të mos u harruar edhe aftësia e skuadrës për të ushtruar presion ndaj kundërshtarit përgjatë gjithë kohës. Falë forcës fizike të grupit.

Lexo edhe:

Partizani është një skuadër shumë e fortë fizikisht. Dhe jo rastësisht shumë nga fitoret e rëndësishme të të kuqve janë “gatuar” në pjesët e dyta, kur rivalët nuk kanë arritur të mbajnë ritmin e djemve të Shehit.

Një tjetër faktor, eksperienca. Partizani ka në gjirin e tij shumë kampionë, të kalitur me presionin e një sfide të madhe si kjo ndaj ekipit rrogozhinas ku një rol të madh luan edhe aspekti psikologjik.

Faktor vendimtar në një ndeshje teke janë pa dyshim tifozët. E lehtë të imagjinohet se në finalen e të dielës, “Air Albania” do të dominohet nga ngjyra e kuqe, një shtysë më tepër drejt titullit.

E fundit por jo më pak e rëndësishmja: Superkupa e Shqipërisë. Partizani e fitoi këtë vit pikërisht përballë Egnatias, duke treguar se në një ndeshje të vetme që vlen trofeun, është i aftë të mposhtë dhe atë që konsiderohet si skuadra më e bukur e këtij kampionati.

Partizani-Egnatia do të luhet të dielën e 19 majit në “Air Albania”, duke nisur prej orës 19:00.

Lajme të tjera

Futboll

Vinicius Junior ka përfunduar në shënjestrën e ish-futbollistit brazilian, Carlos Alberto Gomes, i njohur si Pintinho. Ky i fundit që ka bërë karrierë në...

Euro 2024

Një përplasje e rëndë ndodhi në ndeshjen Skoci-Hungari, me lojtarin e hungarezëve Barnabas Varga që ka rënë pa ndjenja në tokë pas tronditjes së...

Kombëtare

Në konferencën e zakonshme për shtypin, Sylvinho, trajneri i kombëtares shqiptare, analizoi rrugëtimin e kuqezinjve në grupin B të Euro 2024. “Po, jam krenar...

Kombëtare

Shkurtimisht foli Sylvinho pas eliminimit të Shqipërisë nga Euro 2024. Trajneri brazilian i Kombëtares vlerësoi paraqitjet e skuadrës kuqezi në duelet ndaj Italisë, Kroacisë...