Connect with us

Hi, what are you looking for?

Kategoria Superiore

Partizani “mat forcat” me Kukësin, Vllaznia udhëton në Korçë

Vllaznia kryesuese kërkon fitoren në Korçë, për të rivendosur distancën e sigurisë. Me Teutën e Laçin që fituan sërish dje dhe shkuan vetëm 4 pikë larg kreut, shkodranët janë të detyruar të fitojnë sfidën e mesditës së sotme në transfertë ndaj vendit të fundit, Skënderbeut.

Shkodranët do të kenë plot 4 mungesa nga formacioni titullar, por kanë rikuperuar në kohë mbrojtësin lider të skuadrës, Mevlan Adili dhe ndaj korçarëve të vendit të fundit, janë favoritë për të marrë tre pikët.

Nga ana tjetër Skënderbeu nuk reagoi as me Migen Memellin në pankinë dhe po shfaq probleme të shumta si në repartin e mbrojtjes, ashtu edhe atë të sulmit, ku nuk ka shënuar që nga ndeshja me Laçin.

Krye-ndeshja e javës së 20-ë është ajo mes Partizanit e Kukësit, e planifikuar për t’u luajtur në orën 16:00 në impiantin “Elbasan Aena”. Të dy skuadrat gëzojnë një formë mjaft të mirë dhe kanë organika nga më cilësoret në kampionat, ndaj 90-minutëshi i sotëm pritet të jetë i luftuar dhe i hapur deri në fund.

Në dy përballjet e fazës së parë nuk ka pasur histori, pasi “të kuqtë” ia kanë dalë të marrin maksimumin e pikëve, por verilindorët duken një tjetër skuadër me një ekspert si Mirel Josa në pankinë dhe këtë e treguan edhe fundjavën e kaluar ndaj Tiranës.

Të dy sfidat do të transmetohen live në ekranin e Supersport, ku nuk do të mungojë as emisioni dedikuar Kategorisë Superiore “Gol pas Goli”, me të ftuarit analistë e gazetarë që do të sjellin komentet e intervistat e protagonistëve para e pas ndeshjeve.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...