Gjatë kësaj të diele futbollistët e Partizanit kanë punuar me një program të ngjeshur, duke marrë paradite ngarkesa fizike në palestër, ndërsa pasdite trajneri Gega dhe stafi kanë zbritur në fushë me një tjetër seancë të karakterit tekniko-taktit. Atmosfera brenda ekipit paraqitet shumë pozitive kjo falë edhe kushteve optimale që ofron hoteli “Miracle Resort”. Partizani do të vijojë të hënën me të njëjtin ritëm stërvitor me dy seanca, respektivisht në 9:30 dhe 15:30 me orën shqiptare. Të kuqtë do të qëndrojnë dhjetë ditë në Turqi, ndërsa në datën 9 janar është planifikuar edhe miqësorja e parë me Sivasporin.