Pas një super sezoni me Ajax-in, ku shënoi 34 gola dhe dha 9 asist në 43 ndeshje, Sebastian Haller është gati të rikthehet në Bundesligë.
“Sport 1” raporton se 28-vjeçari do të bashkohet me skuadrën e Borussia Dortmund. Ajax kërkoi 38 milionë euro për kartonin e sulmuesit, por gjermanët ofruan vetëm 33 milionë euro në fillim, ndërsa më pas u ra dakord nga të dyja palët që lëvizja të bëhej për 35 milionë euro.
Pra pas Adeyemit, Dortmund bën një tjetër goditje për të zëvendësuar Erling Haaland, që u largua në drejtim të Manchester City-t.
Kontrata e Haller me Ajax përfundon në verën e 2025-ës, megjithatë palët kanë rënë dakord për këtë lëvizje dhe tashmë pritet vetëm zyrtarizimi që 28-vjecari të nisë një eksperiencë të re.