Fulham u rikthye këtë sezon në Premier League dhe e nisi me një barazim të bukur 2-2 ndaj Liverpoolit, ndërsa pasditen e sotme ka kompletuar një tjetër goditje në merkato.
Klubi anglez ka prezantuar mbrojtësin Issa Diop, i cili vjen nga skuadra tjetër londineze, West Ham dhe ka nënshkruar një kontratë 5-vjeçare me Fulham, teksa është vënë menjëherë në dispozicion të trajnerit për t’u përgatitur për sfidën e radhës.
Mbrojtësi francez është rritur te Toulouse, teksa në verën e 2018-ës iu bashkua West Hamit për një transferim që preku shifrën e 25 milionë eurove, ndërsa në katër sezone me “çekanët”, luajti mbi 100 ndeshje.
Ndërkohë, Fulham pagoi rreth 18 milionë euro për kartonin e 25-vjeçarit Diop, i cili mbetet në Londër, por ndryshon ngjyrat e fanellës dhe ka firmosur një kontratë 5-vjeçare me skuadrën e re.
