Manchester United e mbylli sezonin në vendin e dytë, por pa arritur të fitojë asnjë trofe, ndaj Jose Mourinho po përgatit një sërë ndryshimesh në skuadër për të rivalizuar me Cityn për titull, por edhe për të synuar tituj në Europë.
Kështu pas blerjes së brazilianit Fred nga Shakhtar Donetsk, për shumën e 60 milionë eurove, “Djajtë e kuq” kanë mbyllur një tjetër transferim gjatë ditës së sotme.
Bëhet fjalë për talentin 19-vjeçar portugez, Diogo Dalot, që u ble nga klubi i Portos. Djaloshi luan si mbrojtës krahu, por ka treguar se mund të adaptohet mjaft mirë edhe në qendër, ndërsa me cilësitë e tij ka tërhequr vëmendjen e Jose Mourinhos.
Dalot u prezantua sot me bluzën e Manchester Unitedit, ndërsa së shpejti pritet të dalin edhe detajet e transferimit, si dhe kontrata e nënshkruar.