Connect with us

Hi, what are you looking for?

Serie A

Pas ftesës në Botëror vjen dhe rinovimi, Napoli “blindon” të preferuarin e tifozëve

Ftesë në Botërorin e Katarit dhe rinovim me Napolin. Frank Anguissa po shijon një nga momentet më të bukura të jetës së tij. Mesfushori kamerunas e ka nisur në mënyrë të shkëlqyer sezonin e dytë me ekipin që po dominon Serie A këtë sezon.

26-vjeçari u huazua nga Fulham te Napoli në verën e vitit 2021, teksa klubi italian bleu kartonin e tij për 15 milionë euro në verën që lamë pas. Anguissa numëron 3 gola dhe 5 asiste mes kampionatit dhe Champions League.

Performancat pozitive kanë ndikuar që presidenti De Laurentiis t’i dhurojë rinovimin e kontratës. “Luftëtari” afrikan ka firmosur deri në verën e vitit 2025, me opsionin e zgjatjes së bashkëpunimit deri në vitin 2027, e drejtë e Napolit ta ushtrojë.

Paga sezonale e mesfushorit ka shkuar nga 2.2 në 3 milionë euro duke përfshirë bonuset. Një rinovim që gëzon tifozët e zjarrtë të Napolit, të cilët kanë një vlerësim të madh për mesfushorin me tipare mbrojtëse.

Drejtuesit nuk ndalen dhe po punojnë për rinovimet me Amir Rrahmanin, sllovakun Stanislav Lobotka dhe kapitenin Giovanni Di Lorenzo. Napoli kryeson Serie A me 8 pikë më shumë se Lazio dhe Milani, ndërkohë që në Champions League do të sfidojë gjermanët e Eintracht Frankfurt për një biletë në çerekfinale.

Lajme të tjera

Katar 2022

Lionel Messi rikthehet të flasë për triumfin e Argjentinës së tij në Botërorin Katar 2022. Në një intervistë të gjatë kapiteni i kombëtares albiceleste...

Kategoria Superiore

Vesel Limaj u largua nga Tirana drejt Rumanisë, duke ndërprerë me konsensus marrëdhënien me kampionët e Shqipërisë. Për SuperSport, futbollisti nga Malisheva i lindur...

Featured

Gjatë periudhës së merkatos, janë të shumta mundësitë që një lojtar të ndryshojë klub dhe fanellë. Mirëpo, edhe pse shumë të rrallë, ka nga...

Futboll

Portieri i Yeni Malatyaspor, Ahmet Eyup Turkaslan raportohet mes viktimave që humbën jetët nga tërmeti vdekjeprurës në Turqi. Lajmin tragjik e zyrtarizoi trajneri Yalmaz...