Pas Toni Kroos, i cili firmosi një kontratë të re me Realin dhe konfirmoi se do të mbetet gjatë në Madrid, një tjetër yll i skuadrës u ka dhënë fund zërave të merkatos, duke njoftuar se do të mbetet nën urdhrat e Zinedine Zidane.
Bëhet fjalë për mbrojtësin francez Raphael Varane, i cili ndiqej prej kohësh nga disa klube europiane dhe nuk kishin munguar zërat për një largim të mundshëm të tij në fund të këtij sezoni.
Megjithatë vetë kampioni i botës me Francën konfirmoi në një intervistë për “Marca”-n se do të vijojë karrierën te Reali dhe se duke filluar nga ky sezon, do të rikthehet në formën më të mirë, për të ndihmuar skuadrën në objektivat e saj.
“Mbetem te Reali i Madridit për sezonin e ardhshëm. Do të kthehem të jem Varane më i mirë”, tha mbrojtësi në intervistën për të përditshmen spanjolle.