Ligue 1

Pasardhësi i Niko Kovac, tre emra për stolin e Monacos

Niko Kovac nuk është më trajneri i Monacos. Ekipi nga Principata po has vështirësi të shumta në kampionat, dhe për momentin renditet në vend të gjashtë, katër pikë larg zonës Champions.

Trajneri kroat, i cili mori drejtimin e skuadrës franceze në korrikun e vitit të kaluar, u shkarkua për mungesë të rezultateve pozitive. Drejtuesit e klubit të Ligue 1 kanë nisur nga puna për të gjetur pasuesin e Kovac.

Sondazh/ Sa besoni te agjencitë imobiliare?

Në garë për postin e trajnerit të Monacos janë tre trajnerë: Philippe Clement (Club Brugge), Jesse March (ish-trajneri i Leipzig, u shkarkua më 5 dhjetor) dhe Paulo Fonseca, i cili drejtoi Romën në dy sezonet e fundit.

Mediet franceze shkruajnë si i pari ndodhet në “pole position” për t’u bërë trajneri i Monacos. 47-vjeçari belg drejton Club Brugge prej verës së vitit 2019, dhe deri tani ka fituar dy tituj dhe një Superkupë Belgjikë me ekipin.

Të Fundit

To Top
Evolve Web Agency Evolve Web Agency