Lazio e nisi mbarë kampionatin, pasoi ia doli të triumfojë me shifrat 0-2 në transfertën e vështirë sarde ndaj Cagliarit. Të besuarit e Simone Inzaghit zhvilluan një 90-minutësh mjaft të mirë dhe mbajtën kontrollin e lojës, duke mos u dhënë mundësi sardëve t’i kërcënojnë rrezikshëm.
Golin e avantazhit për Lazion e shënoi anësori Lazzari që në minutat e para të takimit, ndërsa në momentin më të mirë të Cagliarit, ishte Ciro immobile që shënoi edhe golin e dytë, duke vulosur rezultatin e ndeshjes.
Bardhekaltrit e Simone Inzaghit konfirmuan se edhe këtë sezon do të jenë ndër skuadrat protagoniste të kampionatit, ndërsa Cagliari u pa shumë i brishtë dhe me një formë fizike që linte për të dëshiruar.
Feston edhe Inazhi tjetër, Philippo, pasi Benevento e tij debutoi në Serinë A me një fitore spektakolare 2-3 në transfertën ndaj Sampdorias. Këta të fundit shënuan dy gola shumë të shpejtë me Quagliarelën dhe Colley, duke dhënë idenë e një fitoreje të lehtë, por nuk rezultoi aspak kështu.
Kjo pasi Benevento rihapi ndeshjen në pjesën e parë me anë të golit të shënuar nga kapiteni Caldirola, i cili shënoi sërish në pjesën e dytë dhe riktheu baraspeshën.
Më pas, kur kishin mbetur edhe dy minuta nga fundi i ndeshjes, ishte Letizia që shënoi golin e tretë për Beneventon dhe i dha fitoren skuadrës së sapongjitur në elitën e futbollit italian.
Atalanta e nis me goleadë, mposht lehtësisht Torinon në transfertë
