Carlo Ancelotti pritet të largohet në fundin e sezonit nga drejtimi i Real Madrid. Tekniku italian është numri një në listën e favoritëve të Federatës Braziliane të Futbollit për të marrë “timonin” e kombëtares Selecao dhe ta përgatisë drejt Botërorit të vitit 2026, ku synimi është titulli i gjashtë Botëror. Vetë Ancelotti nuk është shprehur qartë në lidhje me të ardhmen, ndaj presidenti i Los blancos, Florentino Perez kërkon të mos surprizohet në momentin e fundit.
Lexo edhe:
- Çmenduri për golashënuesin e Serie A, një njohje e vjetër dhe Mbappe transferojnë Osimhen në Francë
- Dortmundi rikuperon 6 lojtarë para Bayernit, gati t’i prishë debutimin Tuchelit
- Precedenti i para 8 viteve dhe binjakëzimi me tifozët e Napolit, ndalohet transferta për ultrasit holandezë
- Minifutboll/ Shqipëria, një hap larg historisë! Ndaj Spanjës luhet për kualifikimin
Perez ka nisur nga puna për të identifikuar pasuesin e italianit te Real Madrid. I preferuari i spanjollëve është Mauricio Pochetino. Emri i ish-trajnerit të Tottenham dhe PSG, është lakuar shpeshherë tek Real Madrid, por duket se tashmë është koha e duhur që palët të nisin bashkëpunimin.
Nga Argjentina bëjnë të ditur se Pochetino e mirëpret një ofertë të Realit dhe pas më shumë se një sezoni si i “papunë” është i gatshëm të ushtrojë profesionin e tij, këtë herë në elitën spanjolle.