Rafael Nadal eliminon lehtësisht rusin Karen Khachanov dhe kualifikohet kështu në çerekfinalet e turneut 500 pikësh që po zhvillohet aktualisht në kryeqytetin e Kinës, Pekin. Në fazën e 1/8-ave të turneut që po transmetohet live edhe në Supersport, numri 1 i Botës imponoi ritmin e tij edhe ndaj rusit Khachanov të cilin e mposhti 2-0 me sete me shifrat e njëjta 6-3 6-3.
Në çerekfinale Nadal i cili është edhe favoriti i madh për të triumfuar në Pekin do të ketë përballë amerikanin John Isner i cili kaloi po në 2 sete argjentinasin Leonardo Mayer.
