“Jemi ende këtu, në luftë dhe me besim. Edhe një natë bashkë”. Ky është postimi i Kely Nascimentos, njërës prej vajzave të Pelesë, që ka postuar një foto të saj me të atin në spitalin e “Sao Paulos”.
Gjendja shëndetësore e legjendës së futbollit është përkeqësuar ditët e fundit. Tri herë kampioni i botës do ta kalojë festën e Krishtlindjes në spital, ku është shtruar që nga 29 nëntori i kaluar për një rivlerësim të trajtimit të tij me kimioterapi (është diagnostikuar me kancerin e zorrës së së trashë në shtator 2021).