Kombëtarja e 21-vjeçarëve të Shqipërisë pëson humbjen e parë në Grupin 2 të kualifikueseve të Europianit të kësaj grupmoshe. Skuadra e Alban Bushit u thye në mënyrë dramatike në Irlandën e Veriut, pas një penalltie të shënuar nga Donnelly në minutën e 5-të shtesë të ndeshjes.
11-metërsh i shkaktuar nga kapiteni Keidi Bare, i cili u largua nga fusha me karton të kuq dhe irlandezo-veriorët që përfituan maksimalisht nga ky episod. Për ekipin Shpresa mbeti vetëm zhgënjimi për një humbje të pamerituar, në një ndeshje që për lojën e shfaqur kuqezinjtë e vegjël mund dhe duhej të kishin marrë më tepër.
Në këtë mënyrë u mbyll trasferta në Irlandën e Veriut, e nisur mbrapsht prej mungesave të të dëmtuarve Bytyqi, Seferi dhe Ramadani, si edhe faktit që një prej yjeve të skuadrës, Endri Çekiçi mungonte pasi nuk arriti të marrë vizën britanike. Sfida e radhës për 21-vjeçarët shqiptarë do të jetë ajo e 4 Shtatorit, sërish në trasfertë, këtë herë në fushën e Islandës.
Kualifikueset Europiani U21
Irlandë e Veriut – Shqipëri 1-0
Donnelly (p) 95′
Grupi 2
N P
- Irlandë e Veriut 2 6
- Estoni 2 1
- Shqipëri 2 1
- Spanjë 0 0
- Sllovaki 0 0
- Islandë 0 0
